VOV4.Sêdang - Tiô rơkong krếo thế dêi Kăn xiâm hnê ngăn ƀă Chin phuh kong têa Rusi,  pôa Phạm Minh Chính, Ngế pro xiâm hnê ngăn Chin phuh veăng hôp tối tơbleăng a Hneăng hôp “Măng tĭng on gas Rusi” roh má 15 pơxá “On gas lâp plâi tơnêi: Pơ’lêh vâ mơnhông tơ-ƀrê”, hneăng hôp po a Moskwa sap hâi lơ 13 troh lơ 15/10/2021 tiô tơdroăng po tơbleăng tung um tiô troăng hyôh Internet.

Phạm Minh Chính, Ngế pro xiâm hnê ngăn Chin phuh veăng hôp tối tơbleăng a Hneăng hôp

Xông tơpui a hneăng hôp pôa Phạm Minh Chính tối phiu ro ƀă hlối mơnê Kăn xiâm hnê ngăn ƀă mâu Chin phuh kong têa Rusi hiăng krếo veăng Hôp hneăng hôp ki nhoăm mê. Ngế pro xiâm hnê ngăn tơnêi têa tối, Việt Nam khĕn kơdeăn khât hnoăng pêi pro ki kal dêi Rusi  ƀă kơvâ cheăng ‘na hyôh on gas tung lâp plâi tơnei. Ngế pro xiâm hnê ngăn tơnêi têa loi khât tiah kố tơdroăng hriăn plĕng dêi Rusi ‘na hyôh on gas, tung mê Hneăng hôp Măng tĭng hyôh on gas Rusi drêng kố, hiăng ƀă dế pơtối veăng ‘no hnoăng tơpui tơno ƀă hlối tơrŭm cheăng  mâu kong têa ƀă tơrŭm tro tiô pơkâ cheăng tung mơnhông mơdêk tơchoâm dêi tơnêi têa ƀă tâi tâng kuăn mơngế.

Gương tơplôu ƀă tơbleăng