VOV4.Xơ Đăng - Kơhâi dế tiô chôu Việt Nam lơ 22/11, pôa Phạm Minh Chính, Ngế pro xiâm hnê ngăn tơnêi têa rơtế ƀă mâu kăn xiâm tơnêi têa pin hiăng lăm pôu kong têa Nhuk tiô rơkong dêi pôa Fumio Kishida, Ngế pro xiâm hnê ngăn kong têa Nhuk. Hneăng lăm pôu kong têa Nhuk ki apoăng dêi pôa Phạm Minh Chính po tung pơla tơdroăng tơdroăng tơrŭm cheăng pơla péa tơnêi têa dế tơniăn lĕm má môi riân sap ing mơjiâng tơrŭm tơpui kâ, péa pâ loi nhoăm dêi rơpó. Hneăng lăm pôu cho rôh mơnhông mơdêk troăng rơhlâ tơpui kâ tơniăn krê, pơkuâ dêi, xua hơniâp lĕm, tơrŭm tơrôa ƀă rơtế mơnhông tơ-brê hiăng châ tối a hneăng hôp Đảng tung lâp tơnêi têa roh má 13.

Pôa Phạm Minh Chính, Ngế pro xiâm hnê ngăn tơnêi têa trâm mâ Ngế pro xiâm hnê ngăn kong têa Nhuk

Việt Nam cho pú, cho khu tơrŭm ki hmâ, loi nhoăm dêi Nhuk ƀă veăng kum Nhuk pơtối rak vế hnoăng cheăng tơtro tơxâng a kơpong ƀă tung lâp plâi tơnêi, rơtế ƀă Nhuk veăng ‘no hnoăng pơtối rak vế hơniâp lĕm tơniăn, tơrŭm ƀă mơnhông mơdêk a kơpong. Việt Nam vâ rơtế ƀă Nhuk po mâu hơnăm mơnhông tơ-ƀrê nếo tung mâu tơdroăng cheăng, malối ‘na cheăng kâ, kring tơniăn - ‘na cheăng lêng, kong pơlê, trâm tơpui tơno ƀă kuăn pơlê.

Gương tơplôu ƀă tơbleăng