VOV4.Xơ Đăng - Roh hôp Chin phuh tiah hmâ khế 10/2021 tơkŭm po tung pơla tơnêi têa pin klêi kơ’nâi roh hbrâ mơdât pơreăng kân COVID-19 tung roh xông tâ tú roh má 4, troh nôkố tơdroăng pơreăng xông tâ tú hiăng châ mơdât. Tơdroăng cheăng kâ – rêh ối pơlê pơla khế 10 ai hên tơdroăng ki pơ’lêh hôm păng ‘nâng, tơdroăng cheăng kâ vêh tơniăn ƀă ai hên tơdroăng ki xông tơtêk xua hiăng pơ’lêh troăng prôk ton xŏn ing tơkŭm mê klê hên troăng troh mâu tíu cheăng tung pêi pro mâu troăng pơlât tiô troăng kâi trâng tơniăn, ƀeăn ƀĕng rơkê, mơdât châ tơƀrê pơreăng COVID-19.

Xông tơpui mơgêi roh hôp, pôa Phạm Minh Chính, Ngế pro xiâm hnê ngăn tơnêi têa pơkâ pêi pro kâi trâng tơniăn, ƀeăn ƀĕng rơkê, mơdât châ tơƀrê pơreăng COVID-19 tiô troăng mơdât tơdroăng xía vâ ƀă thăm mơnhông cheăng kâ, tơniăn tơdroăng rêh ối pơlê pơla. Drêng pơloăng mơnúa xua pơreăng, Ngế pro xiâm hnê ngăn tơnêi têa tối thế thăm rĕng pâk vaccine, tơniăn lĕm, châ tơƀrê, khoa hok, ôh tá tơkôm, ki má lối cho tơkŭm ăm mâu kong pơlê, kơpong ki xiâm môi tiah mâu kong pơlê peăng mâ hâi lo pá hdroh tơnêi têa.

A Sa Ly tơplôu ƀă tơleăng