VOV4.Sêdang - Pôa Phạm Minh Chính, Ngế pro xiâm hnê ngăn Chin phuh nếo hôp mơ’no tơdrêng tung um tiô troăng hyôh internet ƀă jâ Aurélia Nguyen, Ngế pơkuâ tơdroăng COVAX. A rôh hôp, Ngế pro xiâm hnê ngăn tơnêi têa hâk vâ ƀă khĕn kơdeăn khât hnoăng cheăng dêi COVAX tung tơdroăng tí tăng xiâm, xing xoăng tơdâng tơ‘mô vaccine mơdât COVID-19 tung lâp plâi tơnêi, veăng ‘no hnoăng ki kal a tơdroăng mơ-eăm vâ séa ngăn pơreăng.

Tơpui tơno ƀă jâ Aurélia Nguyen, Ngế pro xiâm hnê ngăn tơnêi têa pơkâ troăng rơhlâ dêi Việt Nam cho ‘na ivá ƀă tơniăn dêi kuăn pơlê cho ki má môi ƀă ki hdrối; Việt Nam dế mơ-eăm pâk vaccine ăm tâi tâng kuăn pơlê vâ rĕng má môi. Ngế pro xiâm hnê ngăn thế COVAX kum xoăng vaccine ăm Việt Nam rế rĕng rế tro, rế hên rế ‘ló, malối tung mâu khế 9, 10 ƀă 11; pê klêi tơdroăng tơhrâ hbru vaccine ăm Việt Nam tung hơnăm 2021. Ngế pro xiâm hnê ngăn tơnêi têa pâ thế COVAX xing xoăng ăm vaccine Moderna vâ Việt Nam pâk rôh má 2 ăm kuăn pơlê.

Gương tơplôu ƀă tơbleăng