VOV4.Sêdang - Kơxo lơ 28/9, pôa Phạm Minh Chính, Ngế pro xiâm hnê ngăn tơnêi têa hiăng pơkuâ hneăng hôp ‘no tiô troăng hyôh Internet tung lâp tơnêi têa hôp pơla Chin phuh ƀă mâu khu xiâm, kơvâ cheăng kơ koan xiâm tơnêi têa ƀă mâu kong pơlê ‘na mơdêk ăm liăn ngân vâ mơjiâng tơmeăm khoăng tơnêi têa. Tiô tối tơbleăng, pơkâ ’no liăn ngăn hơnăm 2021 châ Ngế pro xiâm hnê ngăn Chin phuh pơcháu môi hdroh ăm mâu khu xiâm, kơ koan xiâm tơnêi têa ƀă mâu kong pơlê ing mơ’nui hơnăm 2020 ƀă tâi tâng xô̆ liăn ai 461 rơpâu 300 rơtal liăn.

Pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp ‘no tơdrêng tiô troăng hyôh Internet tung lâp tơnêi têa mơdêk ăm liăn ngân ‘no mơjiâng tơmeăm khoăng tơnêi têa

Troh nôkố, hiăng xoăng, pơcháu nhên ăm mâu tơdroăng tơkêa bro vâ chê 88%. Tơbleăng a hneăng hôp, pôa Phạm Minh Chính ăm ‘nâi: hneăng hôp mê vâ tối ki tơ-ƀrê, tối nhên mâu tơdroăng hiăng châ pêi pro, ki hâi pêi pro; tối nhên ki xiâm, malối cho xiâm ki tơngôu oh tá vâ rĕng tơmâng; ing mê pơkâ tơbleăng pơkâ, troăng rơhlâ mơdêk ăm liăn ngân ‘no mơjiâng tơmeăm khoăng tơnêi têa tung la ngiâ.

Ngế pro xiâm hnê ngăn tơnêi têa thế mâu kăn tơkŭm  hriăn plĕng, tơpui tơno vâ mơdêk xo liăn ngân, xuá liăn mê pêi cheăng tơ-ƀrê ‘na mơjiâng tơmeăm khoăng tơnêi têa, veăng mơnhông cheăng kâ - rêh ối hơnăm 2021 ƀă pro xiâm ki vâ mơnhông mơdêk cheăng kâ - rêh ối hơnăm 2022.

Gương tơplôu ƀă tơbleăng