VOV4.Sêdang - Pôa Phạm Minh Chính, Ngế pro xiâm hnê ngăn tơnêi têa hiăng pơtroh kơthô rơkâu drêng pôa Kishida Fumio châ to pro Ngế pro xiâm hnê ngăn kong têa rôh má 100 dêi Nhuk. Pôa Bùi Thanh Sơn, Ngế xiâm tơpui kâ xuân hiăng pơtroh kơthô rơkâu pôa Motegi Toshimitsu châ pôk pro Ngế xiâm tơpui kâ dêi Nhuk nếo. Tiâ rơkong khu chêh hlá tơbeăng kơ-êng ‘na tơdroăng Nhuk ai Ngế pro xiâm hnê ngăn kong têa ki nếo, jâ Lê Thị Thu Hằng, Ngế kum cheăng ăm Ngế xiâm tơpui kâ ăm ‘nâi: “ Việt Nam rơkâu pôa Kishida Fumio châ to pro Ngế pro xiâm hnê ngăn kong têa roh má 100 dêi Nhuk. Ngin loi tơngah khât tiah kố ing hnoăng pơkuâ dêi Ngế pro xiâm hnê ngăn kong têa, pôa Kishida Fumio, mê tơnêi kong têa Nhuk kô pơtối mơnhông tơ-brê, kuăn pơlê châ hơniâp. Việt Nam ngăn nhoăm tơdroăng tơrŭm ƀă Nhuk hlối púi vâ tơrŭm cheăng krá kâk tâ ƀă Ngế pro xiâm hnê ngăn kong têa ƀă Chin phuh nếo dêi Nhuk vâ djâ tơdroăng tơrŭm cheăng trâu rơdâ tâ pơla Việt Nam - Nhuk ôh tá la lâi pơtê mơnhông tơ-ƀrê tâ nếo, xua tơdroăng vâ pro pơxúa ăm kuăn pơlê péa tơnêi têa, xua vâ pro hơniâp lĕm, tơniăn, tơrŭm ƀă mơnhông mơdêk tung kơpong ƀă tung lâp plâi tơnêi’’.

Gương tơplôu ƀă tơbleăng