VOV4.Sêdang - Hâi lơ 4/11, tiô chôu kong têa Pơhlăng, tung roh lăm pôu pêi cheăng kong têa Kŏng hoa Pơhlăng, pôa Phạm Minh Chính, Ngế pro xiâm hnê ngăn Chin phuh hiăng tơdah pôa Fabien Roussel, Kăn pơkuâ hnê ngăn Đảng lâp tơnêi têa Đảng Kŏng san kong têa Pơhlăng. A roh trâm mâ, pôa Phạm Minh Chính kheăn kơdeăn mâu troăng péa pâ môi tuăn vâ djâ tơrŭm cheăng trâu hơngế ƀă châ tơƀrê tâ, ki má lối cho mâu kơvâ dế xông tơtêk nôkố tung mơnhông mơdêk dêi tŭm péa tơnêi têa.

Pôa Phạm Minh Chính, Ngế pro xiâm hnê ngăn Chin phuh hiăng tơdah pôa Fabien Roussel, Kăn pơkuâ hnê ngăn Đảng lâp tơnêi têa Đảng Kŏng san kong têa Pơhlăng

Phiu ro ‘na mâu tơdroăng châ tơƀrê dêi Đảng Kŏng san Việt Nam tung pơkuâ tơnêi têa ƀă ‘na tơrŭm cheăng ton xŏn pơla péa tơnêi têa đi đo xông tơtêk ƀă mơnhông mơdêk, pôa Fabien Roussel loi tơgah roh lăm pôu pêi cheăng roh kố dêi pôa Phạm Minh Chính kô mơjiâng tơrŭm cheăng pơla péa tơnêi têa pơtối mơnhông mơdêk ó rơdêi tung la ngiâ.

Mâu ngế kŏng san kong têa Pơhlăng đi đo môi tuăn ƀă kô pơtối mơ-eăm tâi ivá tơná vâ kum thăm tơrŭm lĕm tro pơla péa Đảng, péa tơnêi têa ƀă kuăn pơlê péa tơnêi têa Việt Nam ƀă Pơhlăng.

A Sa Ly tơplôu ƀă tơbleăng