VOV4. Xơ Đăng - Kơxo lơ 23/11/2021, a Tokyo, kong têa Nhuk, hneăng lăm pôu apoăng troh Nhuk dêi pôa Phạm Minh Chính, Ngế pro xiâm hnê ngăn tơnêi têa hiăng tơdah pôa YoshihideSuga, Ngế pro xiâm hnê ngăn kong yêa Nhuk hneăng hdrối, Ngế chêh tôm xo rơkong dêi Đảng Dân chuh Tự do (LDP), kăn xiâm hnê ngăn Khu kăn Kuô̆k hô̆i pơla Nhuk - Việt Nam cho pôa Nikai Toshihiro ƀă mâu kăn ki ê tung khu tơrŭm. Pôa Phạm Minh Chính tối nhên, Nhuk cho kong têa tơrŭm ki kal má môi dêi Việt Nam; tối tơdroăng sôk ro hlo tơdroăng tơrŭm trâu rơdâ pơla Việt Nam - Nhuk dế pơtối mơnhông mơdêk rơdêi, tung tŭm tơdroăng cheăng loi nhoăm dêi rơpó.

Pôa Phạm Minh Chính khĕn kơdeăn mâu hnoăng veăng ‘no, tơ-ƀrê dêi pôa Suga ƀă pôa Nikai Kăn xiâm hnê ngăn xuân môi tiah mâu kăn tung khu tơrŭm Kuô̆k hô̆i pơla Nhuk - Việt Nam tung tơdroăng mơdêk tơrŭm trâu rơdâ pơla péa tơnêi têa ôh tá la lâi pơtê mơnhông mơdêk ƀă tơ-ƀrê rơdêi tung mâu tơdroăng cheăng, mơdêk tơrŭm cheăng kâ, tê mơdró, ‘no liăn cheăng ƀă trâm mâ tơpui tơno ƀă kuăn pơlê; mơnê mâu tơdroăng tơrŭm ki khât ƀă tơnêi têa ƀă kuăn pơlê Việt Nam.

Gương tơplôu ƀă tơbleăng