VOV4.Xơ Đăng - Kơxê măng lơ 22/11 (tiô chôu kong têa kố), pôa Phạm Minh Chính, Ngế pro xiâm hnê ngăn tơnêi têa ƀă Khu kăn xiâm Việt Nam troh a Tokyo, pơxiâm pôu kong têa Nhuk tiô rơkong krếo thế dêi pôa  Fumio Kishida, Ngế pro xiâm hnê ngăn kong têa Nhuk. Tiô tơdroăng lăm pôu, pôa Phạm Minh Chính, Ngế pro xiâm hnê ngăn tơnêi kô hôp tơpui tơno ƀă pôa  Fumio Kishida, Ngế pro xiâm hnê ngăn kong têa Nhuk; hlo ƀă mâ leh kĭ tơhrâ tung mâu hlá mơ-éa tơrŭm cheăng; tơpui ƀă pôa Santo Akito; Kăn xiâm hnê ngăn Kuô̆k hô̆i râ má péa Hosoda Hiroyki.

Drêng rôh lăm pôu kố pôa Phạm Minh Chính xuân tơdah mâu khu tơrŭm cheăng kal kí pơlê pơla dêi Nhuk; tơpui ƀă pôa Shinzo Abe; Ngế pro xiâm hnê ngăn kong têa Nhuk, veăng hôp tơpui ƀă mâu khu mơdró péa pâ, Hôp tơpui ‘na tơdroăng ‘no liăn cheăng, tơrŭm pêi cheăng pơla mâu kong pơlê; tơdah mâu grup pêi cheăng, khu tơrŭm cheăng kâ pơla mâu kong pơlê; tơdah mâu grup, khu tơrŭm cheăng kâ ki kân dêi Nhuk.

Ngế pro xiâm hnê ngăn tơnêi têa xuân trâm mâu kăn ƀô̆, mâu ngế pêi cheăng a tíu pêi cheăng teăng mâ Việt Nam, mơngế Việt Nam hriâm ƀă rêh ối pêi cheăng kâ a kong têa Nhuk.

Gương tơplôu ƀă tơbleăng