VOV4.Sêdang - Pôa Phạm Minh Chính, Ngế pro xiâm hnê ngăn tơnêi têa veăng hôp ƀă mâu kăn xiâm Đông Nam Á (EAS) rôh má 16, rơtế ƀă mâu kăn kong têa ASEAN ƀă mâu khu tơrŭm cheăng mê cho Sinuâ, Nhuk, Hàn Quốc, Australia, New Zealand, Ấn Độ, Rusi, Mih ƀă Kăn xiâm chêh tôm xo rơkong ASEAN. Tơpui a hneăng hôp, pôa Phạm Minh Chính, Ngế pro xiâm hnê ngăn tơnêi têa tối nhên EAS  kal pơtối rak vế pêi pro hnoăng cheăng mơdêk tơpui pêi pro tơdrăng, pro xiâm tuăn loi, kum tơrŭm tơtro ki phá tơ-ê, mơdêk hnê tối ăm dêi rơpó mâu tơdroăng cheăng veăng rak tơniăn, rak tung tơrŭm mơnhông mơdêk a kơpong ƀă tung lâp plâi tơnêi.

Pôa Phạm Minh Chính, Ngế pro xiâm hnê ngăn tơnêi têa veăng hôp ƀă mâu kăn xiâm Đông Nam Á

Ngế pro xiâm hnê ngăn pâ thế mâu kong têa kal tơrŭm dêi rơpó tung rak ngăn mâu tơdroăng pơ’lêh ăm tơtrro, tơ-ƀrê, mơdêk tơrŭm hên tơdroăng, tro tiô luât pơkâ, tơrŭm tung pêi pro vâ hbrâ ví tơ-ƀrê ƀă mâu pơloăng mơnúa ki dế  hlo nôkố, mơdât ki tơ’lêi pro ôh tá tơniăn ƀă mơnhông tơ-ƀrê, ‘mâi mơnhông krá tơniăn, malối ‘na cheăng kâ rêh ối klêi kơ’nâi ai pơreăng kân.

Gương tơplôu ƀă tơbleăng