VOV4.XơĐang - Kơxo lơ 28/12, pôa Phạm Minh Chính, Ngế pro xiâm hnê ngăn Chin phuh veăng hôp ƀă mơnhông mơdêk a tơdroăng “75 rơpâu tơdroăng hriăn plĕng ki nếo, tơkâ luâ xơpá, mơnhông tơ-ƀrê” châ mơhnhôk pêi tơdrêng hlối drêng hiăng po klêi hneăng hôp tâi tâng lâp tơnêi têa roh má 13 dêi Đảng, a rôh lâp tơnêi têa rơtế tơdjoâm ivá plâ mơdât COVID-19. Klêi vâ chê 80 hâi tơ’noăng, hiăng ai 259 rơpâu 177 tơdroăng hriăn plĕng ki nếo veăng tơbleăng, luâ 300% tâng vâ pơchông ƀă tơdroăng pơkâ.

Tơdroăng hriăn plĕng ki nếo veăng Tơdroăng hên túa, hlo ing hên kơvâ cheăng, tơdroăng cheăng veăng pêi. Tơbleăng a Tơdroăng mê pôa Phạm Minh Chính khĕn kơdeăn ƀă hlối rơkâu mâu khu pú hên ƀă mâu ngế ki hriăn plĕng ƀă mâu ki ai hnoăng tơ-ƀrê, châ ô eăng hâi kố. Ngế pro xiâm hnê ngăn tơnêi têa tối nhên, Đảng, tơnêi têa pin đi đo mơdêk, nhoăm ki hriăn plĕng dêi khu râ kuăn pơlê, malối hriăn plĕng tơdroăng ing mâu ngế pêi cheăng. Ngế pro xiâm hnê ngăn tơnêi têa púi vâ tơdroăng “01 rơtuh tơdroăng hriăn plĕng ki nếo kô mơ-eăm tơkâ luâ xơpá, hriăn pro tơdroăng ki nếo mơ-eăm kâi ƀlêi pơreăng kân COVID-19” kô pơtối ki tơ-ƀrê mê, pơtối rak vế ki rơdêi, tơ-ƀrê, ki khât, veăng ‘no hnoăng hên tâ nếo ăm tơrêm kơ koan, tíu pêi cheăng, mâu ngế.

Gương tơplôu ƀă tơbleăng