VOV4.Xơ Đăng - Kơxo lơ 25/11, pơtối pôu pêi cheăng kong têa Nhuk, pôa Phạm Minh Chính, Ngế pro xiâm hnê ngăn tơnêi têa hiăng veăng hôp tơpui ‘na tơdroăng ‘no liăn cheăng pơla Việt Nam - Nhuk ƀă tơdroăng “Việt Nam - Nhuk mơdêk ki tơrŭm”, pôa Phạm Minh Chính ăm ‘nâi, pơla hdrối kố nah hlối ai tơdroăng tơpui klêi tơniăn ƀă pôa  Fumio Kishida, Ngế pro xiâm hnê ngăn kong têa Nhuk ƀă péa pâ hiăng môi tuăn tơbleăng tơchoâm pơla péa tơnêi têa Việt Nam - Nhuk tối, tơdroăng tơrŭm pơla Việt Nam - Nhuk dế a rôh ki lĕm má môi ing nah ta troh nôkô. kố cho tơdroăng ki lĕm vâ mơdêk trâm mâ, mơdêk tŭm tơdroăng pơla péa pâ, tung mê ai tơrŭm mơnhông cheăng kâ.

Pôa Phạm Minh Chính, Ngế pro xiâm hnê ngăn tơnêi têa hiăng veăng hôp tơpui ‘na tơdroăng ‘no liăn cheăng pơla Việt Nam – Nhuk

Ngế pro xiâm hnê ngăn tơnêi têa ăm ‘nâi, Việt Nam ai hên tíu ki tơ-ƀrê vâ mâu khu ‘no liăn cheăng hmiân tuăn ‘no liăn cheăng ƀă kơxô̆ ki hên tâ ƀă ton tâ, Việt Nam tơhrâ tŭm tơdroăng tơ’lêi hlâu ‘na luât pơkâ, pro hlá mơ-éa vâ mâu khu mơdró, tung mê ai khu mơdró Nhuk ‘no liăn cheăng kâ tơ’lêi hlâu, tơ-brê tâ a Việt Nam.

Gương tơplôu ƀă tơbleăng