VOV4.Sêdang - A tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng tơpui phôn ƀă Ngế pro xiâm hnê ngăn kong têa Ănglê ƀă peăng kơnhŏng Ireland cho pôa Boris Johnson. A rôh tơpui phôn, péa Ngế pro xiâm hnê ngăn kong têa phiu ro mâu hvêa chêng prôk ki mơnhông mơdêk rơdêi dêi tơrŭm cheăng tung la ngiâ pơla Việt Nam – Ănglê tung pơla achê kố, môi tuăn pơtối tơrŭm krá tơniăn vâ mơdêk pêi pro hơ’lêh mâu troăng pơkâ tơrŭm cheăng ‘na kal kí, tơpui kâ, cheăng kâ, tê mơdró, ‘no liăn cheăng, tơrŭm mơnhông, hnê hriâm, khoa hok kơmăi kơmok, gak kring pơlê pơla, trâm mâ kuăn pơlê.

Pôa Phạm Minh Chính tơpui phôn ƀă Ngế pro xiâm hnê ngăn kong têa Ăngglê ƀă peăng kơnhŏng Ireland

‘Na tơrŭm cheăng ki hên kơvâ, péa Ngế pro xiâm hnê ngăn kong têa tối, phiu ro ‘na tơdroăng tơrŭm cheăng tơniăn lĕm pơla péa kong têa a Hô̆i đong kring vế khu lâp kong têa tung hneăng hơnăm ki Việt Nam pro ngế cheăng ối tung khu hơnăm 2020 – 2021 ƀă tung tơdroăng rôh hôp tơrŭm cheăng châu Á – châu Âu (ASEM)

Katarina Nga tơplôu ƀă tơbleăng