VOV4.Xơ Đăng - A Hà Nội, Đăi tươ̆ng Tô Lâm, Ngế cheăng tung tíu xiâm kal kí, jâ Marise Payne, Ngế xiâm ngăn vâi kơdrâi Australia dế ai roh lăm pôu ƀă pêi cheăng a Việt Nam. A rôh trâm mâ, pôa Tô Lâm tối nhên, ai veăng tŏng kum dêi khu xiâm tơpui kâ Australia, tơdroăng tơrŭm cheăng pơla mâu khu xiâm kŏng an Việt Nam ƀă mâi kơkoan pêi pro tiô luât Australia hiăng chôa ‘lâng mơdêk mâu tơdroăng hbrâ mơdât mâu ngế pro xôi, rak ngăn ki mot lo tung tơnêi têa, kum ‘na luât ƀă hiá hé.

Péa pâ xuân đi đo tơkŭm po ăm mâu khu kăn kơ-êng ‘na tơdroăng rak ngăn tê kế tơmeăm ăm kong têa ê, hlối tơrŭm mơnhên tơtro, pơxâu phak mâu ki ối rak pêi pro tơdroăng ăm mơngế mot hmâng vâ tung têa ê, hnê hbrâ mơdât mâu ngế mot lo hmâng vâ. Vâ mơdêk tâ nếo troăng rơhlâ tơrŭm cheăng pơla péa tơnêi têa tối tơchoâm, pơla mâu khu xiâm kŏng an Việt Nam ƀă mâu khu tơrŭm Australia tối krê, pôa Tô Lâm pâ thế péa pâ pơtối mơdêk tơrŭm ‘na tê mơdró, ‘no liăn mơjiâng pro tơmeăm khoăng vâ kum ‘mâi mơnhông klêi kơnâi pơreăng COVID-19 hiăng tâi ah; mơdêk tơrŭm pêi tơ-ƀrê tơdroăng tơbleăng tơrŭm cheăng kâ châ tơ-ƀrê pơla Việt Nam – Australia  hơnăm 2020-2023.

Gương tơplôu ƀă tơbleăng