VOV4.Xơ Đăng - Kơxê lơ 3/12, a Hà Nội, Khu pơtâng tối tơdroăng Tơnêi têa tơkŭm po Rôh hôp tơbleăng tơdroăng pơkâ dêi Khu pơkuâ ngăn Đảng ‘na hnoăng cheăng kăn ƀô̆. A Rôh hôp, Kăn xiâm pơkuâ ‘na mơjiâng Kăn ƀô̆, Khu pơtâng tối tơdroăng kal Tơnêi têa hiăng tơbleăng pơkâ dêi Khu pơkuâ ngăn Đảng pôk pôa Trần Thanh Lâm, kăn xiâm ngăn hlá tơbeăng ƀă chêh mơ’no, Khu pơtâng tối tơdroăng kal Tơnêi têa ối rak vế dêi hnoăng cho kăn phŏ pơkuâ Khu pơtâng tối tơdroăng kal dêi Tơnêi têa, pơkuâ kơvâ chêh hlá tơbeăng ƀă chêh mơ’no.

Diâp pơkâ ƀă hnoăng cheăng ăm kăn xiâm phŏ pơkuâ Khu pơtâng tối tơdroăng kal Tơnêi têa ki nếo, pôa Nguyễn Trọng Nghĩa, Kăn xiâm pơkuâ khu pơtâng tối tơdroăng kal Tơnêi têa loi tơngah ƀă hnoăng cheăng ki kân, hnoăng cheăng ki hngăm, pôa Trần Thanh Lâm kô pơtối pêi cheăng, hriâm tâp ƀă hriâm pât vâ tơxâng ƀă tơdroăng ki loi tơngah dêi Đảng, Khu pơkuâ tơdroăng kal kí, Khu pơkuâ ngăn Đảng ƀă dêi kăn pơkuâ Khu pơtâng tối tơdroăng Tơnêi têa.

Katarina Nga tơplôu ƀă tơbleăng