VOV4.Sêdang - Hâi lơ 27 khế 9 hơnăm 2015 tiô chôu New York, kong têa Mih, tung hôp pá gong hneăng hôp khu kăn xiâm Khu lâp kong têa tơbleăng tơdroăng kal hơnăm 2030 ‘na mơnhông mơdêk krá tơniăn, pôa Trương Tấn Sang, Kăn xiâm hnê ngăn tơnêi têa hiăng veăng hneăng hôp khu kăn xiâm pơkuâ lâp plâi tơnêi ‘na tơdâng tơ’mô pơla kơdrâi [a\ kơnốu [a\ diâp hnoăng pơkuâ cheăng ăm kơdrâi. Pôa Trương Tấn Sang tối tơdâng tơ’mô pơla vâi kơdrâi [a\ vâi kơnốu cho tơdroăng xiâm, cho tơdroăng xiâm tung 17 tơdroăng pơkâ mơnhông mơdêk krá tơniăn dêi Khu lâp kong têa; tối rơdêi Việt Nam kal tơkêa kơjo kum hên, vâ sap ing kố troh hơnăm 2030 ôh tá pơrah pơla kơdrâi [a\ kơnốu tung mâu túa cheăng; vâi kơdrâi [a\ vâi hdrêng kơdrâi châ khăm pơlât tơtro, hnê hriâm, pêi cheăng, ki má lối cho vâi kơdrâi a mâu kơpong pá puât; tơdrêng amê choâ ‘lâng tah lôi tơdroăng ki pâm xiăn vâi kơdrâi [a\ vâi hdrêng kơdrâi. Pôa Trương Tấn Sang mơnhên, Việt Nam kô rơtế [a\ khu lâp kong têa [a\ mâu kong têa tung lâp plâi tơnêi tung tơdroăng mơ-eăm tơchuôm [a\ tơniăn tơdâng tơ’mô [a\ thăm rơkê dêi vâi kơdrâi tung tơdroăng rêh ối, kal kí, cheăng kâ, rêh ối pơlê pơla a tâi tâng mâu kong têa tung lâp plâi tơnêi.

            Rơtế hâi lơ 27 khế 9, tiô chôu New York, pôa Trương Tấn Sang hiăng veăng a hneăng hôp rêm hơnăm, tơdroăng tơmiât rơkê pêi cheăng lâp plâi tơnêi dó inâi CGI hơnăm 2015, xua pôa Bill Clinton, Kăn xiâm pơkuâ kong têa Mih hneăng hdrối nah tơku\m po. Xuân a kố, pôa Trương Tấn Sang hiăng ai roh trâm pôa Bill Clinton a Việt Nam, ki rơhêng vâ tối tung tơdroăng rak ngăn [a\ pơlât pơrea\ng HIV/AIDS, tơngê lo mơheăm [a\ mâu pơrea\ng tâ tú ki ê. Pôa Trương Tấn Sang pâ thế pôa Bill Clinton [a\ Khu pơkuâ rak liăn kơd^ng Clinton thăm to\ng kum mâu ngế pá puât, kum mơnhông cheăng kâ – rêh ối pơlê pơla a Việt Nam.

A Sa Ly tơplôu [ă tơbleăng