VOV4.Sêdang - Kơxo lơ 8/9 a Tíu pêi cheăng xiâm Đảng, pôa Võ Văn Thưởng, Kăn xiâm Hnê mơhno tơnêi têa ‘na pơkuâ ƀiên chê̆ hiăng pơkuâ Hneăng hôp roh má môi dêi Khu hnê mơhno. A Hneăng hôp, Khu hnê mơhno hiăng tơpui ‘na tơdroăng tơkêa bro: Tơbleăng tơdroăng châ tơƀrê tung pêi cheăng ƀă troăng pơkâ pêi la ngiâ, hnoăng cheăng hneăng hơnăm 2021 – 2026; Pơkâ lăm pêi cheăng, Pơkâ pêi cheăng dêi Khu hnê mơhno hneăng hơnăm 2021 – 2026; Pơkâ ‘na pơkuâ ƀiên chê̆ môi tuăn dêi khu cheăng kal kí; Pơkâ pêi séa ngăn pêi pro pơkuâ ƀiên chê̆ ƀă tíu pêi cheăng hneăng hơnăm 2016 – 2021 ƀă pơkâ ƀiên chê̆ ƀă tíu pêi cheăng hneăng hơnăm 2021 – 2026; Tơbleăng Tơdroăng tơkêa bro tíu pêi cheăng ƀă hía hé.

Tiô mơ-éa tơbleăng, xêo troh hâi lơ 31/12/2019 lâp tơnêi têa hiăng kêi đeăng pơkâ kơdroh ƀiên chê̆ hiăng pơkâ mơ’no; tâi tâng kơxô̆ mơngế pêi cheăng châ kâ liăn khế ƀă liăn ki kum tơ’nôm ing liăn ngân tơnêi têa kơdroh 541.890 ngế (14,93%) tâng pơchông ƀă drêng 30/4/2015.

A Sa Ly tơplôu ƀă tơbleăng