VOV4. Xơ Đăng - Kơxo lơ 23-11, pôa Võ Văn Thưởng, Ngế cheăng tung khu xiâm kal kí, pơkuâ khu kăn Đảng ƀă Khu kăn Kuô̆k hô̆i pơlê kong kân Đà Nẵng trâm mâ kuăn pơlê 5 pơlê krâm Hải Châu, Thanh Khê, Sơn Trà, Ngũ Hành Sơn ƀă Cẩm Lệ, pơlê kong kân Đà Nẵng vâ tơbleăng tơdroăng dêi rôh hôp má péa, Kuô̆k hô̆i hneăng 15. Hên tơdroăng châ kuăn pơlê tơmâng tơpui a rôh trâm mâ môi tiah tơdroăng hbrâ mơdât kâ kơluâ pêi kơtăng tâ; kal thế mơdêk tơdroăng pơkâ, luât pơkâ tŏng kum ăm mơngế ki pêi cheăng ôh tá hmâ a cheăm tơring.  Tơdroăng hbrâ mơdât COVID-19, kuăn pơlê pâ thế tơbleăng rĕng tŏng kum, po rơdâ ƀă mâu ngế ki tơdjâk, tŏng kum rak tơniăn rêh ối pơlê pơla.

Pôa Võ Văn Thưởng, Kăn pơkua hnê ngăn Đảng tối: Tíu xiâm, khu xiâm kal kí đi đo tơmâng troh tơdroăng mơnhông mơdêk dêi Pơlê kong kân Đà Nẵng. Tung pơla mơnhông mơdêk, kal thế Đảng bộ mâu kăn pơlê kong kân mơ-eăm, ai troăng rơhlâ mơnhông mơdêk krá tơniăn.

Gương tơplôu ƀă tơbleăng