VOV4.Xơ Đăng - Kơxê lơ 1/12, a tíu pêi cheăng dêi Tíu xiâm Đảng, khu kăn Đảng pin xua pôa Võ Văn Thưởng, Ngế cheăng tung tíu xiâm kal kí, Kăn hnê ngăn Đảng pơkuâ djâ veăng hôp mơ’no tơdrêng tung um tiô troăng hyôh Internet pơla mâu Đảng lâp plâi tơnêi, xua Đảng tơnêi têa Rusi môi tuăn pơkuâ a kong têa Rusi . Tơpui a hneăng hôp pôa Võ Văn Thưởng tối hơniâp lĕm, tơrŭm tơrôa ƀă mơnhông tơ-ƀrê pơtối cho troăng rơhlâ ki kân tung lâp plâi tơnêi; tung pơla lâp plai tơnêi pơ’lêh ƀă tơrŭm cheăng kâ lâp plâi tơnêi, mơhé trâm hên xơpá la pơtối rơtế ƀă cheăng kơmăi kơmok hơ’lêh 4.0 pro tơdroăng mơnhông mơdêk.

Hneăng hôp tơpui tơno

Pôa Võ Văn Thưởng xuân tơpui ‘na mâu pơkâ ‘na troăng rơhlâ mơnhông mơdêk, luât pơkâ tơpui kâ dêi Việt Nam, mâu hnoăng pêi pro ki kal hiăng châ pêi tơ-ƀrê, tối nhên tơpui kâ dêi Đảng cho môi tung mâu tơdroăng ki xiâm tơpui kâ Việt Nam ƀă ngăn nhoăm ƀă tơdroăng tơrŭm tung lâp plâi tơnêi pơla Việt Nam - Rusi ƀă pơla Đảng kŏng sản Việt Nam ƀă Đảng kong têa Rusi môi tuăn.

Gương tơplôu ƀă tơbleăng