VOV4.Sêdang - Dó inâi ‘’Tơdroăng xiâm – Pôu râng hnoăng cheăng – pêi tiô mâu pơkâ – djâ troăng ahdrối – tơmiât pêi rơkê’’, leh pơxiâm po hơnăm hriâm 2021 – 2022 dêi Hngêi trung kal kí Tơnêi têa Hồ Chí Minh hiăng tơkŭm po mơ’no tung um tiô troăng măng Internet a kơxo lơ 9/9, a Hà Nội. Xông tơpui ƀă kăn ƀô̆, thái cô, hok tro dêi hngêi trung, pôa Võ Văn Thưởng, Kăn cheăng tung Khu xiâm kal kí, Kăn pơkuâ hnê ngăn cheăng Đảng pơkâ thế khŏm mơdât tuăn tơmiât hriâm bu vâ xo ƀâng tê, bu ăm tŭm pơkâ, mơdêk liăn khế, châ rah xo pro kăn.

Hơnăm hriâm 2021 – 2022 Hngêi trung tơkŭm po tơdroăng hnê mơjiâng, hnê tơ’nôm tiô troăng mơ’no tơdrêng tung um tiô troăng măng Internet. Tơtrŏng mâu tơdroăng, kơxop mơ-éa hnê mơjiâng râ cao câ̆p, trung câ̆p lĭ luâ̆n kal kí, mâu tơdroăng, kơxop mơ-éa hriâm mâu lâm hnê tơ’nôm inâi pêi cheăng ƀă hía hé. Tơdrêng amê, thăm pêi pro rĕng tơdroăng mơjiâng ƀă po rơdâ pêi pro châ tơƀrê mâu tơdroăng tơkêa bro hnê mơjiâng thái cô hnê lĭ luâ̆n kal kí, vâ hbrâ mơjiâng mơngế ki rơkê.

            A Sa Ly tơplôu ƀă tơbleăng