VOV4.Sêdang - Hâi lơ 27/9, pôa Vũ Đức Đam, Ngế pro xiâm phŏ hnê ngăn tơnêi têa hiăng pêi cheăng ƀă Pơlê kong kân Hồ Chí Minh ‘na hbrâ mơdât pơreăng COVID-19, veăng tối mâu tơdroăng chêh tung hlá mơ-éa ‘mâi hơ’lêh mâu tơdroăng pêi pro hmâ ƀă hyôh kong prâi, mơdât pơreăng COVID19 ƀă ‘mâi mơnhông cheăng kâ sap lơ 1/10.

Pôa Vũ Đức Đam, Ngế pro xiâm phŏ hnê ngăn tơnêi têa

Ngế pro xiâm phŏ hnê ngăn tơnêi têa tối nhên, Pơlê kong kân Hồ Chí Minh thế pơkâ kơtăng troăng rơhlâ mơdêk séa ngăn mơdât pơreăng, ‘mâi hơ’lêh tơdroăng pêi pro, choâ lâng ‘mâi mơnhông cheăng kâ tê mơdró, vâ rĕng ăm tơdroăng rêh ối dêi kuăn pơlê vêh tơniăn môi tiah hmâ nếo. Pơlê kong kân Hồ Chí Minh rĕng tối ăm ‘nâi tơdroăng pơreăng tâ tú tung kong pơlê, malối klêi rôh khăm ngăn lâp lu hdrối mê hía nah tiô hnê mơhno dêi Ngế pro xiâm hnê ngăn tơnêi têa, ing mê, pơkâ ivá séa ngăn, kơlo ki tâ tú a mâu kơpong tơ’lêi tâ tú.

Ngế pro xiâm hnê ngăn tơnêi têa tối tiah kố, tung rôh kơdroh mơdât prôk lăm, Pơlê kong kân Hồ Chí Minh kal riân ngăn ăm ‘mâi mơnhông cheăng kâ ahdrối cho mâu hngêi kơmăi, khu mơdró ki kân, kơpong hngêi kơmăi ki dâi lĕm, mâu kơvâ cheăng tê mơdró ki kal.

Gương tơplôu ƀă tơbleăng