VOV4.Xơ đang - Hâi lơ 22/12, pôa Vũ Đức Đam, Ngế pro xiâm phŏ hnê ngăn tơnêi têa hiăng pơkuâ hneăng hôp mơ’no tơdrêng tung lâp tơnêi têa tơbleăng luât pơkâ hbrâ mơdât ma tŭi hơnăm 2021; tơdroăng hbrâ mơdât pơreăng COVID-19 ƀă rak tơniăn ‘na kế kâ. Mơnhông mơdêk a hneăng hôp, pôa Vũ Đức Đam hiăng pơkuâ hneăng hôp mơ’no tơdrêng tung lâp tơnêi têa tơbleăng pêi Luât pơkâ hbrâ mơdât ma tŭi hiăng châ tơ-ƀrê la xuân ối ai hên tơdroăng rơ-iô ki kân.

Xua mê, mâu kong pơlê kal thế pơtối tơbleăng mâu luât pơkâ hbrâ mơdât ma tŭi ai khât ƀă tơdroăng ki hlo a mâu kong pơlê. Pôa Vũ Đức Đam tối tiah kố, tơdroăng cheăng mê ôh tá xê to krê dêi mâu kŏng an, mâu mố đô̆i gak tơkăng kong, mâu khu ngăn pơkeăng, mâu ngế ngăn mối đô̆i tro rong ƀă rêh ối pơlê pơla mê rế ton rế hlo nhên khu cheăng tơleăng, kơ koan ki cheăng ‘na luât, malối mâu khu grup tung tơdroăng mơhnhôk hbrâ mơdât, mâu tơdroăng tơpui tơno ki oh tá tro, la thế pro kơtăng ƀă mâu ngế ki ôh tá kâi gât ma tŭi. A hneăng hôp, mâu kăn tơmâng hnê tối mâu tơdroăng hbrâ mơdât COVID-19  a pơlê cheăm, tơniăn ‘na kế kâ tung rôh Têt, Lo hơnăm nếo. 

Gương tơplôu ƀă tơbleăng