VOV4.Sêdang - Pôa Vương Đình Huệ, Kăn xiâm hnê ngăn Kuô̆k hô̆i kô lăm troh a kong têa Ƀih ƀă hiăng ai rôh tơpui tơno ƀă pôa David Sassoli, Kăn xiâm hnê ngăn Kuôk hô̆i châu Âu. Kăn xiâm hnê ngăn Kuô̆k hô̆i châu Âu koh hâk tơdah pôa Vương Đình Huệ ƀă khu kăn xiâm Kuôk hô̆i Việt Nam hiăng rah Hneăng hôp Kuôk hô̆i châu Âu cho tíu ki troh tung rôh lăm pêi cheăng ki apoăng xua hnoăng cheăng Kăn xiâm hnê ngăn Kuôk hô̆i Việt Nam.

A hneăng hôp, péa pâ hiăng tơpui hên mâu tơdroăng vâ mơdêk ƀă pro trâu rơdâ tâ nếo tơdroăng tơrŭm pơla péa Kuôk hô̆i, veăng mơdêk tơrŭm pơla Việt Nam - EU mơnhông tơ-ƀrê xua vâ pro pơxúa tŭm péa pâ. Vâ mơdêk tơrŭm cheăng kâ tê mơdró tung tŭm tơdroăng cheăng, pôa Vương Đình Huệ, Kăn xiâm hnê ngăn Kuôk hô̆i tối púi vâ, EP ai rơkong tơpui vâ Kuô̆k hô̆i  dêi mâu kong têa ki hâi kĭ tơhrâ EVIPA thế rĕng kĭ tơdroăng tơhrâ ki kal mê, vâ mơdêk tơrŭm ‘no liăn cheăng, ai tiô tơdroăng púi vâ pơxúa dêi mâu khu mơdró EVIPA châ tơ-ƀrê má môi.

Gương tơplôu ƀă tơbleăng