VOV4.Xơ Đăng - Tung kơxê lơ 13/12/2021, a Hngêi pêi cheăng dêi Kuô̆k hô̆i Hàn Quốc,  a pơlê kong xiâm Seoul, leh tơdah pôa Vương Đình Huệ, Kăn xiâm hnê ngăn Kuô̆k hô̆i ƀă Khu kăn xiâm Kuô̆k hô̆i  Việt Nam hiăng po kân krip ai pôa Park Byeong Seug, Kăn xiâm hnê ngăn Kuô̆k hô̆i Hàn Quốc pơkuâ. Klêi leh tơdah, pôa Vương Đình Huệ prế pôa Park Byeong Seug rơtế ƀă mâu kăn xiâm Kuô̆k hô̆i péa tơnêi têa hôp tơpui.

Péa ngế kăn xiâm tối mơhé pơreăng kân COVID-19 tâ tú rơ-iô la tơdroăng tơrŭm péa tơnêi têa pơtối mơnhông tơ-ƀrê hên tơdroăng, malối cho tơrŭm kal kí, cheăng kâ, kring vế tơniăn, cheăng lêng ƀă tơpui tơno pơla kuăn pơlê  péa tơnếi têa. Péa pâ môi tuăn tơdroăng mơdêk tơrŭm cheăng pơla péa tơnêi têa “tung tơrŭm tâi tâng tơdroăng pơla Việt Nam - Hàn Quốc” drêng troh leh tơbâ 30 hơnăm mơjiâng tơrŭm tơpui kâ pơla Việt Nam - Hàn Quốc. Pôa Vương Đình Huệ púi vâ Hàn Quốc hnê tối túa mơnhông cheăng kâ, tung mê ai mơnhông mơdêk ngiât lĕm, hơ’lêh hriăn plĕng ki nếo. Péa pâ vâ môi tuăn mơ-eăm châ pơkâ mơdêk ki tơ-brê pêi lo kế tơmeăm tê mơdró péa pâ tâk 100 rơtal dollars a hơnăm 2023 ƀă 150 rơtal dollars a hơnăm 2030.

Gương tơplôu tơbleăng