VOV4.Xơ Đăng - Kơxê lơ 19/12/2021, a tíu pêi cheăng dêi Kăn xiâm pơkuâ kong têa Ấn Độ, pôa Vương Đình Huệ, Kăn xiâm hnê ngăn Kuô̆k hô̆i hôp tơpui tơno ƀă pôa Ram Nath kovind, Kăn xiâm hnê pơkuâ kong têa Ấn Độ. Péa Kăn xiâm vâ môi tuăn tiah kố, tơdroăng tơrŭm cheăng péa tơnêi têa rế mơnhông pơtối rak vế mâu hneăng lăm pôu ƀă trâm mâ mâu kăn xiâm dêi tơnêi têa, Chin phuh, Kuô̆k hô̆i ƀă mâu khu dêi Đảng, kong pơlê ƀă trâm mâ mâu kăn Kuô̆k hô̆i hôp tơpui tơno, trâm mâ kuăn pơlê. Pakĭng mê vâ môi tuăn tơkŭm po mâu tơdroăng cheăng pêi ai pơxúa vâ troh leh tơbâ 50 hơnăm hâi mơjiâng tơpui kâ tung hơnăm 2022. 

Pôa Vương Đình Huệ, kăn xiâm hnê ngăn Kuô̆k hô̆i hôp tơpui ƀă pôa Ram Nath Kovind, Kăn xiâm pơkuâ kong têa Ấn Độ

Péa pâ tối pơtối tơrŭm krá ƀă hlối môi tuăn dêi rơpó a mâu hneăng hôp lâp plâi tơnêi ƀă tung kơpong; Việt Nam ƀă Ấn Độ kô potối môi tuăn mơ-eăm mơdêk tơleăng mơnhên mâu tơdroăng ki ôh tá môi tuăn dêi rơpó ing mâu luât pro hơniâp lĕm, tơtro ƀă luât lâp plâi tơnêi.

Gương tơplôu ƀă tơbleăng