VOV4.Xơ Đăng - Tiô rơkong krếo thế dêi pôa Park Byeong Seug, Kăn xiâm hnê ngăn Kuô̆k hô̆i Hàn Quốc, pôa Vương Đình Huệ, Kăn xiâm hnê ngăn Kuô̆k hô̆i  ƀă Khu kăn xiâm Kuô̆k hô̆i tơnêi têa pin hiăng troh a tơraih tơ-ƀai lâp plâi tơnêi Incheon, pơlê kong xiâm Seoul, pơxiâm lăm pôu kong têa Hàn Quốc sap hâi lơ 12-15/12. Tơdah khu kăn a tơraih tơ-ƀai ‘na peăng Hàn Quốc ai pôa Suh Jung Sook  Kăn phŏ hnê ngăn Kuôk hô̆i pơla Hàn Quốc - Việt Nam.

Pôa Vương Đình Huệ, Kăn xiâm hnê ngăn Kuô̆k hô̆i lăm pôu kong têa Hàn Quốc

A hneăng lăm pôu rôh kố pôa Vương Đình Huệ ƀă khu xiâm Kuô̆k hô̆i Việt Nam kô ai rôh hôp tơpui tơno ƀă mâu kăn xiâm Hàn Quốc; pơtối mâu tơkum hôp, kăn teăng mâ dêi Hàn Quốc; veăng hôp khu mơdró; tơpui tơno ƀă mâu kăn khu mơdró ki má môi; pơtối mâu khu mơdró má môi a Hàn Quốc; ăm hlo leh kĭ tơhrâ tơrŭm cheăng ƀă mâu khu xiâm, kơvâ cheăng, kong pơlê khu mơdró. Malối, teăng mâ Chin phuh péa tơnêi têa kô kĭ ‘na tơniăn rêh ối pơlê pơla péa pâ tơnêi têa.

Gương tơplôu ƀă tơbleăng