VOV4.Xơ Đăng - Rôh lăm pôu Ấn Độ, pôa Vương Đình Huệ, Kăn xiâm hnê ngăn Kuô̆k hô̆i ƀă khu kăn xiâm Kuô̆k hô̆i tơnêi têa pin lăm pôu mâu kăn ƀô̆, mâu ngế pêi cheăng dêi tíu pêi cheăng teăng mâ Việt Nam a Ấn Độ, trâm mâ mơngế Việt Nam a kong têa Ấn Độ. Tơpui tơno ƀă mâu kăn ƀô̆, mâu ngế pêi cheăng dêi tíu pêi cheăng teăng mâ Việt Nam a Ấn Độ, mơngế Việt Nam a Ấn Độ, pôa Vương Đình Huệ, Kăn xiâm hnê ngăn Kuô̆k hô̆i tối mâu kuăn pơlê cho mơheăm hơ’nêh ki ôh tá chiâng tơklâ, malối cho ƀă luât pơkâ tơrŭm môi tuăn kuăn pơlê dêi Đảng ƀă Tơnêi têa pin tiô tơdroăng pơkâ 36 ƀă tơdroăng pơkâ hnê mơhno 45 dêi Khu xiâm kal kí ‘na tơdroăng cheăng mơngế Việt Nam a kong têa ê.

Tung la ngiâ, Kuô̆k hô̆i, Chin phuh kô hnê mơhno ăm mâu kơ koan tơdjâk troh pê klêi luât, ‘mâi hơ’lêh túa pro hlá mơ-éa, pro xiâm ki tro kơ luât môi tuăn, tơdâng tơ’mô ăm tơdroăng pêi pro ƀă séa ngăn tơdroăng pêi pro ‘na luât dêi mơngế Việt Nam a kong têa ê. Pôa Vương Đình Huệ tơngah, tung la ngiâ kô châ hlo mâu tơdroăng tơ-ƀrê ki nếo tung tơrŭm cheăng péa tơnêi têa, xuân môi tiah châ hlo mâu hnoăng pêi tơ-ƀrê tâ dêi tâi tâng mâu kăn ƀô̆ pêi cheăng a tíu cheăng teăng mâ xuân môi tiah kuăn pơlê pin ki rêh ối a kong têa Ấn Độ.

Gương tơplôu ƀă tơbleăng