VOV4.Sêdang - Kơhâi dế lơ 12/9, pôa Vương Đình Huệ, Kăn xiâm hnê ngăn Kuô̆k hô̆i ƀă khu kăn xiâm Kuô̆k hô̆i tơnêi têa pin hiăng vêh troh a tơraih tơ-ƀai Nội Bài, pơlê kong xiâm Hà Nội mơgêi hneăng lăm hôp dêi mâu Kăn Kuô̆k hô̆i lâp plâi tơnêi rôh má 5 a kŏng hòa Áo, pôu pêi cheăng ƀă kăn Kuô̆k hô̆i châu Âu, kong têa Ƀih ƀă lăm pôu kong têa Phần Lan sap hâi lơ 5- 11/9. Hneăng lăm pôu pêi cheăng a 3 to kong têa châu Âu , la pôa Vương Đình Huệ ƀă mâu kăn xiâm Kuô̆k hô̆i tơnêi têa pin hiăng pêi cheăng ƀă 5 kong têa ki tơrŭm cheăng ƀă veăng hôp lối 70 tơdroăng tơpui hên troăng pơla rêm pâ.

Hneăng lăm pôu pêi cheăng a 3 to kong têa  kơpong châu Âu dêi pôa Vương Đình Huệ, Kăn xiâm hnê ngăn Kuô̆k hô̆i hiăng klêi tơniăn lĕm

Malối, hneăng lăm pôu drêng kố, Chin phuh Ƀih pơcháu ăm khu kăn lăm pêi cheăng 100 rơpâu klŏng vaccine. Chin phuh Slovakia ăm 100 rơpâu klŏng vaccine, mâu kong têa ki ê xuân dế séa ngăn vâ veăng kum ăm Việt Nam vaccine ƀă kum ăm mâu tơmeăm xúa tung hbrâ mơdât, pơlât  pơreăng. Mâu khu tơrŭm cheăng, kơ koan kong têa ê, mâu khu mơdró ki kân dêi Việt Nam a kong têa ê xuân hiăng rôe ăm mâu tơmeăm xúa tung khăm pơlât, hbrâ mơdât COVID-19 vâ kum ăm việt Nam, ƀă tâi tâng kơxô̆ liăn kơnâ lối 1 rơpâu 28 rơtal liăn.

Gương tơplôu ƀă tơbleăng