VOV4.Sêdang - Kơxo lơ 30/9, a Hngêi Kuô̆k hô̆i , pôa Vương Đình Huệ, Kăn xiâm hnê ngăn Kuô̆k hô̆i pơkuâ rôh pêi cheăng mơ’no tơdrêng ƀă Khu mơdró dêi Hô̆i đong khu mơdró Mih - ASEAN. Rôh pêi cheăng châ tơkŭm po tiô pơkâ ing peăng Hô̆i đong mơdró kâ dêi Mih - ASEAN, châ  tơdjêp mơ’no tiô troăng hyôh Internet ƀă hên tíu hôp mơ’no tơdrêng, mê cho: Hngêi Kuô̆k hô̆i Việt Nam, pơlê kong xiâm Washington D.C, kong têa Mih, Singapore, Phillipines ƀă mâu kong têa ki ê tung lâp plâi tơnêi, vâ mơhno ki tơhrâ dêi kơpong cheăng kâ krê dêi Mih ƀă hnoăng cheăng cho tơrŭm loi nhoăm dêi pó tung tơdroăng mơdêk mâu pơkâ pêi ahdrối, malối cho tung tơdroăng pơ’lêh kơxô̆ ƀă mơnhông mơdêk krá tơniăn dêi Việt Nam.

Pôa Vương Đình Huệ, Kăn xiâm hnê ngăn Kuô̆k hô̆i

Rôh pêi cheăng ối vâ pơtối mơdêk tơrŭm cheăng kâ, tê mơdró, ‘no liăn cheăng pơla péa pâ ing tơdroăng tơbleăng tơpui tơno ƀă tối mâu tơdroăng veăng hnê nhên ing peăng mâu khu mơdró dêi Mih ƀă tơdroăng pêi pro tê mơdró tiô pơkuâ dêi Kuô̆k hô̆i, veăng ‘no hnoăng dêi Hô̆i đong ƀă mâu khu mơdró dêi Mih ƀă tơdroăng mơjiâng luât pơkâ kum pêi ahdrối dêi Kuô̆k hô̆i Việt Nam, xuân môi tiah mâu pơkâ, ing peăng Việt Nam ƀă mâu tơdroăng tê mơdró ‘no liăn cheăng  ƀă po rơdâ dêi khu mơdró Mih a Việt Nam.

Gương tơplôu ƀă tơbleăng