VOV4.Xơ Đăng - Pêi cheăng ƀă khu râ kăn xiâm pơkuâ dêi kong pơlê Vĩnh Phúc ‘na tơdroăng châ tơƀrê tơkŭm pêi pro Pơkâ Hneăng hôp Đảng lâp tơnêi têa roh má 13 ƀă Pơkâ hneăng hôp Đảng ƀô̆ kong pơlê Vĩnh Phúc roh má 17, pôa Vương Đình Huệ, Kăn xiâm hnê ngăn Kuô̆k hô̆i kheăn kơdeăn: klêi kơ’nâi 25 hơnăm, kong pơlê Vĩnh Phúc hiăng mơ-eăm ó rơdêi, chiâng tíu ki eăng bâ ‘na mơnhông mơdêk cheăng kâ – rêh ối pơlê pơla, ‘na mơhnhôk mơ’no liăn cheăng tung kơpong cheăng kâ ki xiâm peăng kơnhŏng tơnêi têa ƀă tung lâp tơnêi têa.

Xông tơpui a roh pêi cheăng, pôa Vương Đình Huệ pơkâ thế kong pơlê Vĩnh Phúc pơtối pêi pro châ tơƀrê pơkâ hneăng hôp má 13 dêi Đảng ƀă Pơkâ hneăng hôp má 17 Đảng ƀô̆ kong pơlê, mâu pơkâ pêi pro, pơkâ dêi Tơnêi têa ‘na mơjiâng Đảng. Tơkŭm pêi pro ƀeăn ƀĕng, châ tơƀrê pơkâ xiâm hbrâ mơdât pơreăng COVID-19, rế rak tơniăn, mơnhông mơdêk cheăng kâ – rêh ối pơlê pơla, gâk kring ivá châ chăn dêi kuăn pơlê ƀă tơkŭm tah lôi mâu tơdroăng pá puât ăm mơjiâng pêt tơmeăm, tê mơdró, tŏng kum châ tơƀrê kuăn pơlê ƀă khu tê mơdró.

Katarina Nga tơplôu ƀă tơbleăng