VOV4.Sêdang - Kơxo lơ 4/11, Pôa Vương Đình Huệ, Kăn xiâm hnê ngăn Kuô̆k hô̆i pơkuâ hneăng hôp tơbleăng tơdroăng pêi pro séa ngăn dêi Kuô̆k hô̆i ƀă Vi ƀan pơkuâ Kuô̆k hô̆i hơnăm 2022. Hneăng hôp châ tơkŭm po mơ’mo tơdrêng tiô troăng hyôh internet troh 63 to kong pơlê, pơlê kong kơdrâm, pơlê kong kân tung lâp tơnêi têa . Tơpui a hâi pơxiâm po hneăng hôp, Pôa Vương Đình Huệ ăm ‘nâi, tung mâu hơnăm hdrối kố nah, Vi ƀan pơkuâ kuô̆k hô̆i hiăng tơkŭm ivá, ’măn hên hâi chôu, tơmeăm, liăn ngân ăm tơdroăng vâ hbrâ séa ngăn.

Pôa Vương Đình Huệ, Kăn xiâm hnê ngăn Kuô̆k hô̆i  pơkuâ hneăng hôp

Tung hơnăm 2022, Kuô̆k hô̆i kô po 4 rôh séa ngăn chuyên đề, tung mê ai 2 rôh séa ngăn mâu kăn Kuô̆k hô̆i , chuyên đề tơdroăng pêi pro ‘na luât pơkâ  tŏng kum, Luât pêi cheăng pơkâ hdró riân sap ing Luât Pơkâ ai xêt tung pêi pro,  tơdroăng pơkâ tŏng kum dêi luât ‘na thế kơdĭng liăn, pôi tá mơ’nhiê hmâng ‘na liăn ngân pơla hơnăm 2016-2021.

Tung tâi tâng 4 rôh séa ngăn, Vi ƀan pơkuâ Kuô̆k hô̆i mâu kong pơlê, pơlê kong kân râ xiâm tơnêi têa ƀă 63 to Hô̆i đong mâu kong pơlê, pơlê kong kân râ Tơnêi têa veăng mơhnhôk tâi tâng mâu kơ koan khu râ pơkuâ cheăng veăng pêi.

Gương tơplôu ƀă tơbleăng