VOV4.Xơ Đăng Tung hneăng lăm pôu Hàn Quốc, kơxolơ 15/12/2021, pôa Vương Đình Huệ, Kăn xiâm hnê ngăn Kuô̆c hô̆i hiăng tơdah Ngế xiâm pơkuâ Grup pêi cheăng dêi Amkor Technology Ji Jong-rip  ƀă Grup ngăn liăn ngân Hana Kim Jung-tai. Kố cho tơdroăng pêi má mơ’nui, mơgêi hneăng lăm pôu khât kong têa Hàn Quốc dêi pôa Vương Đình Huệ ƀă khu kăn xiâm Việt Nam. A rôh trâm mâ tơdroăng pêi cheăng pơla pôa Amkor Technology ƀă pôa Vương Đình Huệ,  Kăn xiâm hnê ngăn Kuô̆k hô̆i rơkâu Grup châ diâp ăm hlá mơ-éa mơnhên chêh inâi ‘no liăn mơjiâng tơdroăng tơkêa bro krâ pơklêp ƀă mơnúa mâu tơmeăm xúa ƀă điê̆n tưh a Bắc Ninh kơlo ‘no liăn mơjiâng pro tâk troh 1,6 rơtal dollars.

Pôa Vương Đình Huệ tối nhên, Việt Nam vâ môi tuăn ƀă tơdroăng tơhrâ kô rơtế ƀă Grup Amkor Technology tung tơdroăng tơbleăng pêi pro ƀă xúa tơdroăng tơkêa bro, bro tơ’lêi ăm Grup ‘no liăn cheăng mơnhông cheăng kâ tê mơdró krá tơniăn a Việt Nam.

A hneăng hôp Grup rak ngăn liăn ngân Hana (Hana Financial Group), pôa Vương Đình Huệ,  Kăn xiâm hnê ngăn Kuô̆k hô̆i pâ thế Hanabank pơtối hnê tối túa pêi cheăng rak ngăn ki rơkê, mâu tơdroăng tê mơdro ki nếo ing tơdroăng xúa kơmăi kơmok, mơdêk mâu khu tơrŭm cheăng Hàn Quốc po rơdâ ‘no liăn cheăng a Việt Nam.

Gương tơplôu ƀă tơbleăng