VOV4.Sêdang - Drêng troh rôh veăng hôp mâu Kăn xiâm hnê ngăn Kuô̆k hô̆i lâp plâi tơnêi rôh má 5, pôa Vương Đình Huệ, Kăn xiâm hnê ngăn Kuô̆k hô̆i hiăng tơdah jâ Eleanor Laing, Kăn xiâm phŏ hnê ngăn Kuô̆k hô̆i  râ má péa kong têa Ănglê. Pôa Vương Đình Huệ tối nhên, Ănglê cho kong têa tơrŭm cheăng tê mơdró kân má 3 dêi Việt Nam a kơpong châu Âu, tơdroăng kĭ tơhrâ Tê mơdró tơniăn xêt sap hâi lơ 1/5/2021, pro tơ’lêi hlâu tung mơnhông mơdêk tâ nếo tơdroăng tê mơdró pơla péa tơnêi têa.

Pôa Vương Đình Huệ, Kăn xiâm hnê ngăn Kuô̆k hô̆i tơdah kăn xiâm phŏ hnê ngăn Kuô̆k hô̆i râ má péa Ănglê

Troh nôkố, Ănglê ai 421 tơdroăng tơkêa ‘no liăn cheăng a Việt Nam, ƀă tâi tâng kơxô̆ liăn 3,92 rơtal dollars Mih. Pôa Vương Đình Huệ, Kăn xiâm hnê ngăn Kuô̆k hô̆i tối, Việt Namvâ veăng kum Ănglê mơdêk tơrŭm cheăng kâ tê mơdróƀă mâu kong têa tung kơpong ƀă vâ kum Ănglê tung tơpui tơno vâ mot Kĭ tơhrâ tơrŭm cheăng tung tŭm tơdroăng ƀă Rơkê tung tơru\m cheăng kâ kơpong Thái Bình Dương.

Pôa Vương Đình Huệ tối tiah kố, péa tơnêi têa tơmâng mơjiâng túa tơrŭm cheăng châ tơ-brê, tơxâng ƀă tơmeăm ai hlâu ƀă tơdroăng tơrŭm cheăng pơla péa tơnêi têa.

Gương tơplôu ƀă tơbleăng