VOV4.Xơ Đăng - Tung hneăng lăm pôu kong têa Ấn Độ, pôa Vương Đình Huệ, Kăn xiâm hnê ngăn Kuô̆k hô̆i, kăn xiâm mâu Grup, kŏng ti ki kân a Ấn Độ. Tơdah jâ Roshni Nadar Malhotram, Kăn xiâm hnê ngăn Hô̆i đong Quản trị kŏng ti kŏng nghê̆ HCL, cho ngế kơdrâi ki kro má môi dêi Ấn Độ ƀă ai tung inâi 100 ngế kơdrâi ki kro mơdrŏng má môi tiô xêo inâi pơ ối dêi Forbes hơnăm 2019.  

A rôh tơdah mâu kăn dêi kŏng ti kŏng nghê̆ HCL, pôa Vương Đình Huệ, rơkâu HCL hiăng chiâng môi tung pái kŏng ti ki kân má môi dêi Ấn Độ; hlối hâk mơnê ƀă môi tuăn mâu tơdroăng tê mơdró dêi Grup a Việt Nam, malối tung kơvâ cheăng ‘na kŏng ngê̆ ƀă hnê mâu ngế vâ pêi cheăng  rơkê tơ-ƀrê.

Pơtối mê ngế ki kro mơdrong ó Prakash Hinduja, dêi Grup  Hinduja, 1 tung mâu kŏng ti dêi rơpŏng hngêi ki kân má môi lâp plâi tơnêi, pôa Vương Đình Huệ, Kăn xiâm hnê ngăn Kuô̆k hô̆i ăm ‘nâi, tơdroăng Ấn Độ ‘no liăn cheăng a Việt Nam xuân ối iâ tâng vâ pơchông ƀă tơmeăm khoăng ki ai hlâu, ‘na tơnêi tơníu dêi péa tơnêi têa; tối púi vâ hneăng lăm pôu kong têa Ấn Độ rôh kố ƀă  veăng ai mâu kăn cheăng tung Chin phuh, khu xiâm kơvâ cheăng kô tăng troăng mơhnhôk Ấn Độ ‘no liăn cheăng nếo a Việt Nam.

Gương tơplôu ƀă tơbleăng