VOV4.Xơ Đăng - Kơxê lơ 14/12, tung rôh lăm pôu păng ‘nâng kong têa Hàn Quốc, pôa Vương Đình Huệ, kăn xiâm hnê ngăn Kuô̆k hô̆i tơnêi têa pin hiăng tơpui tơno ƀă pôa Kim Boo Kyum, Ngế pro xiâm hnê ngăn kong têa Hàn Quốc. A rôh tơdah, pôa Kim Boo Kyum mơnhên tối khât ki pơxúa dêi rôh lăm pôu dêi pôa Vương Đình Huệ, kăn xiâm hnê ngăn Kuô̆k hô̆i, veăng kum pơxiâm tơdroăng tơbleăng mâu tơdroăng cheăng tơbâ 30 hơnăm hâi mơjiâng tơrŭm cheăng tơpui kâ pơla Việt Nam – Hàn Quốc hơnăm 2022; tối tiah kố tơrŭm cheăng krá tơniăn pơla péa Kuô̆k hô̆i mơhno tối hiâm mơno, tơdroăng loi tơngah dêi kuăn pơlê péa tơnêi têa.

A rôh trâm mâ, Péa pâ hiăng môi tuăn tơrŭm cheăng tơbleăng mâu tơdroăng ki xiâm veăng kum mơdêk tơrŭm cheăng pơla péa tơnêi têa tung la ngiâ, mơdêk po rơdâ tơrŭm cheăng tung kơvâ gâk kring, pơlê pơla cheăm bêng, rơtế tơrŭm tơbleăng mâu tơdroăng pêi pro tơbâ 30 hơnăm hâi mơjiâng tơrŭm cheăng tơpui kâ.

Katarina Nga tơplôu ƀă tơbleăng