VOV4.Xơ Đăng - Pơtối roh lăm pôu pêi cheăng kong têa Ân Độ, kơmăng lơ 16/12, tiô chôu kong têa Ấn Độ, a pơlê kong xiâm New Delhi, pôa Vương Đình Huệ, Kăn xiâm hnê ngăn Kuô̆k hô̆i tơpui tơno ƀă pôa Om Birla, Kăn xiâm hnê ngăn Kuô̆k hô̆i tối phiu ro drêng tơrŭm cheăng ton xŏn tŭm têk Việt Nam - Ấn Độ hiăng tơkâ hluâ 5 hơnăm ƀă pơtối mơnhông mơdêk ó rơdêi tŭm têk rêm kơvâ cheăng ki má lối cho kal kí tơpui kâ ƀă kong têa ê, cheăng lêng gâk kring, tê mơdró, mơhno túa lĕm tro ƀă trâm mâ tơpui tơno pơla kuăn pơlê; vâ pơkâ thế péa tơnêi têa pơtối tơrŭm krá tơniăn pêi pro Tơdroăng pêi cheăng hneăng hơnăm 2021 – 2023 vâ châ tơƀrê lĕm, châ tơƀrê hôm ăm Chin phuh ƀă kuăn pơlê péa tơnêi têa.

Klăng roh kố, pôa Vương Đình Huệ mơnê tơdroăng tŏng kum kơnâ dêi Ấn Độ ăm Việt Nam tung tơdroăng hbrâ mơdât pơreăng COVID-19; phiu ro mâu khu tê mơdró Ấn Độ thăm mơ’no liăn cheăng a Việt Nam tung mâu kơvâ cheăng Ấn Độ ai tơmeăm ki vâ mơnhông tơnêi têa.

A Sa Ly tơplôu ƀă tơbleăng