VOV4.Xơ Đăng - Kơxê măng lơ 20/12,  a hngêi Kuô̆k hô̆i, pôa Vương Đình Huệ, Kăn xiâm hnê ngăn Kuôk hô̆i trâm mâ mâu kăn teăng mâ, mâu ngế pơkuâ kơ koan teăng mâ tơpui kâ Việt Nam a kong têa ê troh veăng hôp tơpui tơno roh má 31. Tơpui a rôh trâm mâ, pôa Vương Đình Huệ tối ƀă mâu kơvâ tơpui kâ xuân môi tiah mâu kơ koan teăng mâ tơpui kâ tung tơdroăng pêi cheăng ‘na tơpui kâ a kong têa ê, ai mâu kơ koan ki ối hơhngế tơnêi têa.

Kăn xiâm hnê ngăn Kuô̆k hô̆i trâm mâ mâu kăn teăng mâ, mâu ngế pơkuâ kơ koan teăng mâ tơpui tơno

Tung hơnăm hdrối, kăn teăng mâ ƀă  kơ koan teăng mâ tơpui kâ Việt Nam a kong têa ê xuân tro tơdjâk ó xua pơreăng COVID-19. Kuô̆k hô̆i, Vi ƀan pơkuâ Kuô̆k hô̆i rơtế ƀă Đảng, Tơnêi têa xuân tơmâng troh tơdroăng mơdêk kơlo kâ liăn khế ăm mâu kăn ƀô̆ tơpui kâ xuân môi tiah ‘no liăn mơjiâng pro tíu pêi cheăng teăng mâ, kơ koan teăng mâ tơpui kâ Việt Nam a kong têa ê.

Laga, hên tíu xuân ối trâm xơpá. Tung tơdroăng ki pá mê, mâu kăn teăng mâ, mâu ngế pơkuâ kơ koan teăng mâ Việt Nam a kong têa ê xuân mơ-eăm tơkâ luâ mâu tơdroăng xơpá vâ tơdroăng cheăng pêi châ tơ-ƀrê.

Gương tơplôu ƀă tơbleăng