VOV4.Sêdang - Tiô rơkong krếo thế dêi jâ Anu Vehvilainen, Kăn xiâm hnê ngăn Kuô̆k hô̆i Phần Lan, pôa Vương Đình Huệ, Kăn xiâm hnê ngăn Kuô̆k hô̆i rơtế khu râ kăn xiâm Kuô̆k hô̆i tơnêi têa pin pơxiâm roh lăm pôu pêi cheăng a kong têa Phần Lan tung 2 hâi lơ 10 – 19/9. Roh lăm pôu pêi cheăng dêi Kăn xiâm hnê ngăn Kuô̆k hô̆i Việt Nam klêi kơ’nâi 28 hơnăm vâ thăm mơnhông ƀă pro trâu hơngế tâ tơrŭm cheăng pơla péa pâ tiô khôi vâi krâ nah ƀă tơrŭm tung hên tơdroăng cheăng ƀă Phần Lan tối tơdjuôm ƀă Kuô̆k hô̆i kong têa Phần Lan tối krê; po mâu tơdroăng pói tơngah tơrŭm cheăng nếo tung tơrŭm cheăng pơla péa pâ xuân môi tiah tơrŭm kơpong ƀă lâp plâi tơnêi.

Tung roh lăm pôu pêi cheăng kố, pôa Vương Đình Huệ troh koh hmât Kăn xiâm pơkuâ kong têa Phần Lan; trâm mâ tơpui tơno ƀă Ngế pro xiâm hnê ngăn kong têa Phần Lan; tơpui tơno ƀă Kăn xiâm hnê ngăn Kuô̆k hô̆i kong têa Phần Lan; tơdah mâu Kăn pơkuâ pơlê kong kân; tơpui tơno ƀă mau CEO grup pơkuâ kân dêi Phần Lan; châ hlo leh kĭ tơkêa dêi mâu khu tê mơdró Việt Nam – Phần Lan; trâm mâ Kăn teăng mâ ƀă mâu ngế teăng mâ mơngế Việt Nam a Phần Lan.

A Sa Ly tơplôu ƀă tơbleăng