VOV4.Xơ Đăng - Vâ tơniăn ‘na on tơhrik tung rôh Têt Yương lit ƀă Têt âm Lo hơnăm nếo Nhâm Dần 2022, Grup ngăn on tơhrrik Việt Nam ( EVN) pơkâ thế mâu tíu pêi cheăng ôh tá pêi mâu tơdroăng cheăng thế pơtê, kơdroh mơ’no on tơhrik  pro chiâng oh tá ai on tơhrik ăm kuăn pơlê ki xúa, oh tá tối drêng ai tơdroăng xía vâ tung mâu hâi leh Têt Yương lit ( sap 0h hâi lơ 31/12/2021 troh tâi 24h hâi lơ lơ 03/01/2022), Tet Lo hơnăm nếo Nhâm Dần 2022 (ing 0h hâi lơ 30/01/2022 troh tâi 24h hâi lơ  03/02/2022). 

Tơdrêng ƀă tơkŭm gak ngăn dêi mâu kăn, gak mơ’no kơmăi, ‘mâi rơnêu ngăn on tơhrik 24/24h tung mâu hâi leh, Têt, EVN pơkâ thế mâu tíu pêi cheăng hbrâ tŭm tơmeăm, phôn krếo ki vâ tơpui tối ăm rĕng ‘nâi  ƀă mâu rơxế prôk lăm, hbrâ hdrối vâ teăm pêi pro adrêng tâng lơ ai tơdroăng xía vâ.

Hbrâ rơnáu thế tơniăn ‘na tơmeăm khoăng, tuăn ngoâ dêi mâu ngế ki gak ngăn tung rôh Têt Yương lit ƀă Têt Lo hơnăm nếo 2022. Tung pơla tơbleăng, thế tơtrŏng hbrâ mơdât COVID-19 tiô hnê mơhno dêi Khu xiâm ngăn pơkeăng, mâu kơ koan khu râ pơkuâ cheăng kong pơlê ƀă hnê mơhno dêi EVN.

Gương tơplôu ƀă tơbleăng