VOV4.Sêdang - A tơdroăng ‘’Kuăn pơlê êng - pơlê kong kân tiâ’’ po a kơmăng lơ 13/9, pôa Lê Hòa Bình - Kăn phŏ hnê ngăn Vi ƀan pơlê kong kân Hồ Chí Minh ăm ‘nâi Shipper dêi pơlê kong kân kô pơcháu tơmeăm prôk lâp mâu pơlê krâm sap ing hâi lơ 16/9.  A tơdroăng mê, hên tơdroăng kơ êng Ngế kăn phŏ hnê ngăn Vi ƀan pơlê kong kân Hồ Chí Minh ‘na tơdroăng pro pơhôi tung klâ kơtăn pơlê pơla, tơdroăng kuăn pơlê prôk lăm ƀă hên ki ê.

Tiâ rơdroăng kuăn pơlê kơ êng, pôa Lê Hoà Bình ăm ‘nâi: Pơlê kong kân Hồ Chí Minh ai rôh sap lơ 16 troh lơ 30/9  vâ mơnúa pro pơhôi iâ tơdroăng klâ ối kơtăn a 3 pơlê kong kơdrâm hiăng tơbleăng tối hiăng kơdroh iâ pơreăng cho a pơlê krâm 7, tơring Củ Chi ƀă tơring Cần Giờ. Drêng pơlê kong kân xuân dế pơtối pơkâ klâ kơtăn, mâu tơdroăng prôk lăm dêi kuăn pơlê kô châ rak ngăn ƀă phần mềm ki hiăng chêh ‘mot tơkŭm ‘mot tung kơmăi môi tiah pâk vaccine, ăm ‘nâi hiăng klêi khăm ngăn, troăng ki ngế mê prôk.

Gương tơplôu ƀă tơbleăng