VOV4.Sêdang - Khu hnê mơhno cheăng hbrâ mơdât pơreăng COVID-19 Pơlê kong kân Hồ Chí Minh ăm ‘nâi, Pơlê kong kân Hồ Chí Minh dế hbrâ môi tơdroăng pơkâ ki nếo vâ tơtro ƀă tơdroăng ki ai khât dêi pơlê kong kân. Hdrối mê, hâi lơ 24/9, pôa Phan Văn Mãi, kăn hnê ngăn Vi ƀan pơlê kong kân Hồ Chí Minh hiăng kĭ hlá mơ-éa kơxô̆ 3165 pâ thế Ngế pro xiâm hnê ngăn Chin phuh ăm phêp pơlê kong kân ai pơkâ krê xúa mâu tơdroăng ăm tơdroăng nếo, tơtro  tâ ƀă tơdroăng ki ai khât a pơlê kong kân.

Pơlê kong kân Hồ Chí Minh xuân tá hâi ai túa pơkâ khât tơdroăng ki tah kế ki tât drô troăng séa ngăn pơreăng mot tung kong pơlê

Tiô tối hdrối tơdroăng pơkâ kố kô châ pơkâ ƀă châ xêt khât sap ing hâi lơ 1/10. Tâi tâng mâu tơdroăng ki hbrâ kô ngăn tiô tơdroăng ki hnê mơhno dêi Khu xiâm ngăn pơkeăng ƀă khăm pơlât. Pakĭng mê, Pơlê kong kân Hồ Chí Minh xuân pâ thế châ tơmâng ngăn, kơjo kum vaccine ăm Pơlê kong kân ƀă kơpong cheăng kâ xiâm peăng Hdroh, vâ rĕng châ pâk tiô pơkâ dêi tơdroăng ki hnê mơhno.

‘Na troăng prôk tung tơdroăng nếo, Khu ngăn troăng prôk ƀă rơxế kơtâu tá hâi ai troăng pơkâ khât tơkŭm ăm prôk tung pơlê kong kân ƀă troăng prôk troh a kơpong ki ê, tơkéa vâ tối cho sap ing mâu kong pơlê troh Pơlê kong kân Hồ Chí Minh ƀă sap ing Pơlê kong kân troh kong pơlê ki ê.

Katarina Nga tơplôu ƀă tơdroăng