VOV4.Sêdang - Kơxo lơ 8/9, Khu kăn Đảng pơlê kong kân, Hô̆i đong hnê ngăn kuăn pơlê, Vi ƀan hnê ngăn kuăn pơlê, Vi ƀan xiâm Măt trâ̆n tơnêi têa Việt Nam pơlê kong kân Hồ Chí Minh tơkŭm po leh khĕn kơdeăn khu veăng hbrâ mơdât pơreăng COVID-19 tung pơlê kong kân. A rôh leh. Kăn hnê ngăn pơlê kong kân Hồ Chí Minh diâp ƀâng khĕn kơdeăn ăm 55 khu pú hên ƀă Mê dai Hồ Chí Minh ăm 119 ngế xua hiăng ai hnoăng pêi cheăng kơhnâ, veăng plâ mơdât pơreăng  COVID-19 tung pơlê kong kân.

A rôh khĕn kơdeăn, kăn hnê ngăn Pơlê kong kân Hồ Chí Minh xuân ăm ‘nâi, Hneăng hôp Tíu xiâm má 4 ai hên tơdroăng kal, tung mê ai tơdroăng hbrâ mơdât pơreăng COVID-19 ƀă ‘mâi mơnhông cheăng kâ tung pơla ki hmâ. Ki hdrối, Khu xiâm kal kí hnê mơhno Chin phuh, hnê mơhno tơnêi têa ƀă mâu kong pơlê, pơlê kong kân thế tơkŭm, tơrŭm, tơkâ luâ tơdroăng pá ki rơpâu ngế pêi cheăng tí tăng vêh xêh dêi a pơlê. Pakĭng tơdroăng veăng kum kuăn pơlê pêi cheăng mơngế kal vâ vêh dêi a pơlê.

Pakĭng mê kum kuăn pơlê ki vâ vêh dêi a pơlê châ vêh tơniăn, rak mâu tơdroăng hbrâ mơdât pơreăng, kal tơkŭm pêi krâu nhên tơdroăng djâ mơngế pêi cheăng ing mâu kong pơlê  vêh nếo tíu pêi cheăng.

Gương tơplôu ƀă tơbleăng