VOV4.Xơ Đăng - Xua kong mêi kân, mêi ton, a troăng Trường Sơn Đông troăng ki tơkâ luâ tơring Kon Plông, kong pơlê Kon Tum hiăng ai tơdroăng ki tơnêi tơhnah ó. Rơtế ƀă tơbleăng hnoăng cheăng ‘mâi rơnêu, tung hâi lơ 9/11, khu ki ai tơdjâk troh hiăng ăm pơtê pơtân prôk lăm ƀă mâu rơxế ki lăm a troăng ki kố vâ rak tơniăn ‘na troăng prôk. Tíu ki tơhnah a troăng Trường Sơn Đông, troăng ki tơkâ luâ tơring Kon Plong, kong pơlê Kon Tum a km 176 + 300 kơtăn ing tíu xiâm cheăm Ngọc Tem dâng 1km. 

Tíu ki tơnêi tơhnah pro hâ ho troăng

A tíu ki ki trâm xía vâ, troăng tro tơhnah trâu 2m pro kơhlong trâu 2/3 ‘na pêng troăng ƀă tơ’nhiê 2 kơlêa xơmong ƀê tong a troăng ƀă ki xŏn 10m mơni troăng kố kô rế tơ’nhiê ó tâ. Khu rak ngăn troăng prôk III.4 hiăng pơkâ thế tíu ki rak ngăn pơtroh mâu ngế cheăng, kơmăi kơmok kui, gu po troăng ‘na kĭng mê.

Tơhnah tơhnâp trâu a troăng kân

Hdrối mê, Khu rak ngăn troăng prôk III.4 xuân hiăng pâ thế ƀă mâu tíu cheăng ki ai tơdjâk dêi kong pơlê Kon Tum tơbleăng lâp lu tung mâu loa rơ’jíu ăm kuăn pơlê tơdroăng ki xâu xía kố vâ kuăn pơlê ‘nâi ƀă pơtê pơtân tơdroăng ki prôk lăm ƀă mâu rơxế a troăng Trường Sơn Đông, troăng ki tơkâ luâ kong pơlê Kon Tum troh drêng hiăng ‘mâi rơnêu klêi.

Katarina Nga tơplôu ƀă tơbleăng