VOV4.Sêdang - Hâi lơ 13/9, Vi ƀan pơkuâ cheăng Kuô̆k hô̆i hiăng pơxiâm po hneăng hôp roh má 3 ƀă tối kô po ta troh lơ 22/9. Tơpui a hâi pơxiâm po, pôa Vương Đình Huệ, Kăn xiâm hnê ngăn Kuô̆k hô̆i ăm ‘nâi, a rôh hôp mê, Vi ƀan pơkuâ cheăng Kuô̆k hô̆i kô séa ngăn ăm veăng hnê tối mâu tơdroăng ki kal pơtroh ăm Kuô̆k hô̆i séa ngăn ăm veăng hnê tối tơdroăng ki kal pơtroh ăm Kuô̆k hô̆i rôh hôp má péa ƀă séa ngăn mâu tơdroăng cheăng ki râ pơkuâ Vi ƀan pơkuâ Kuô̆k hô̆i pêi, tá 5 khu tơdroăng ki kal.

Pôa Vương Đình Huệ, kăn xiâm hnê ngăn Kuô̆k hô̆i  tối tơbleăng a rôh hôp

Xuân a hneăng hôp mê, Vi ƀan pơkuâ cheăng Kuô̆k hô̆i veăng hnê tối ‘na hlá mơ-éa chêh tơdroăng pơkâ ‘na mơnúa mâu luât pơkâ, tơdroăng pơkâ ki xiâm mơnhông mơdêk kong pơlê Thánh Hóa; séa ngăn, pơkâ tơdroăng mơjiâng pơlê kong kơdrâm Từ Sơn, kong pơlê Bắc Ninh; séa ngăn, pơkâ mâu troăng rơhlâ ‘na kơdroh, oh tá êa nâp hnoăng mơhá vâ kum mâu khu mơdró, mâu kuăn pơlê ki tro tơdjâk dêi pơreăng COVID-19; veăng hnê tối tơdroăng Tơkêa bro ki vâ rak tơniăn kơnhŏng têa ƀă tơniăn tâi rơchôa, long têa pơla hơnăm 2021-2030,  tơdroăng vâ pêi pro troh hơnăm 2045 ah.

Gương tơplôu ƀă tơbleăng