VOV4.Sêdang - Hâi lơ 21/5, pơxiâm po hneăng hôp má 5 Kuo#k ho#i hneăng XIV. Tiô tơdroăng tối hdrối, roh hôp kố Kuo#k ho#i kô séa mơnhên ngăn tơdroăng cheăng pêi tung plâ 20 hâi.

A hneăng hôp, Kuo#k ho#i kô mơdoh hên chôu phut pêi tơdroăng vâ séa mơnhên ngăn, tí tăng ‘nâi, pơkâ pêi mâu tơdroăng cheăng, pơtối ‘mâi hơ’lêh nếo ‘na hnoăng cheăng ki ai hên tơdroăng tối kơ êng. Mâu tơdroăng tơkêa Luât châ Kuo#k ho#i séa ngăn, tơbleăng mê cho Luât săm phoăng (‘mâi hơ’lêh); Luât Tíu pêi cheăng pro hlá mơ-éa, cheăng kâ ki kân; Luât Vê hdró [ă lơ gât, Luât tơbriât ki (‘mâi hơ’lêh); Luât kring tơniăn tung măng Internet; Luât lêng (‘mâi hơ’lêh); Luât ‘mâi rơnêu, tơ’nôm mâu tơdroăng Luât Pơtâp ivá, Tơ’noăng ivá; Luât ‘mâi hơ’lêh, tơ’nôm mâu tơdroăng tơkêa ki tơdjâk troh luât pơkâ.

Malối, Kuo#k ho#i kô ‘măn môi hâi kơ-êng tiâ ‘na tơdroăng ki kơ-êng. Tíu ki nếo tung tơdroăng kơ-êng cho rêm ngế kăn Kuo#k ho#i ai 1 phut vâ tối tơdroăng kơ-êng [ă klêi 3 ngế kăn Kuo#k ho#i tối tơdroăng kơ-êng, ngế ki tro kơ êng mê thế tiâ tơdrêng hlối, rêm ngế kô tiâ tung pơla 3 phut.

Gương tơplôu [a\ tơbleăng