VOV4.Xơ Đăng -  Kơxo lơ 22/11, a Hngêi hôp Kuô̆k hô̆i, pơxiâm po tơdroăng dêi roh hôp má 5 dêi Vi ƀan pơkuâ cheăng Kuô̆k hô̆i. Hneăng hôp po tung pơla 2 hâi, tung mê, Vi ƀan pơkuâ cheăng Kuô̆k hô̆i veăng hnê tối a hên tơdroăng ki kal. ‘Na tơdroăng mơjiâng luât, Vi ƀan pơkuâ Kuô̆k hô̆i veăng hnê tối a hlá mơ-éa pơkâ dêi Vi ƀan pơkuâ Kuô̆k hô̆i tối nhên mâu tơdroăng dêi luât tơleăng tơdroăng xôi. 

Veăng hnê tối a tơdroăng pơkâ dêi Chin phuh ‘na tơ’nôm 2 tơdroăng tơkêa Luât a tơdroăng mơjiâng Luât, ƀă luât pơkâ hơnăm 2022, mê cho Luât ‘mâi rơnêu, tơ’nôm mâu tơdroăng dêi Luât Tần số vô tuyến điện; luât khăm pơlât, ƀă luât khăm pơlât (ki ‘mâi hơ’lêh). Pakĭng mê veăng hnê tối tơdroăng kĭ tơhrâ Ƀoah hiêm rêh ối pơlê pơla pơla Chính Phuh Việt Nam ƀă Chin phuh Hàn Quốc.

A hneăng hôp mê, Vi ƀan pơkuâ Kuô̆k hô̆i xuân séa ngăn tối tơbleăng tơdroăng pêi pro rak ngăn liăn xúa ƀaoh hiêm pơlê pơla pơla sap hơnăm 2019-2021 ƀă pơkâ kơlo liăn nâp rak ngăn liăn ƀaoh hiêm pơlê pơla pơla hơnăm 2022-2024. séa ngăn tối tơbleăng tơdroăng séa ngăn hlá mơ-éa pơkâ luât dêi kơvâ pơkuâ dêi Hô̆i đong ngăn kuăn ngo, mâu Vi ƀan dêi Kuô̆k hô̆i.

Gương tơplôu ƀă tơbleăng