VOV4.Xơ Đăng - Kơxo lơ 14/12, a hngêi hôp kân Diên Hồng, hngêi hôp kân Kuô̆k hô̆i, Khu xiâm kal kí, Khu kăn Đảng tơkŭm po hneăng hôp tơpui tơno lâp tơnêi têa tơbleăng pêi tơdroăng pơkâ hneăng hôp roh má 13 dêi Đảng tiô tơdroăng mơ’no tơdrêng tiô troăng hyôh Internet. Pôa Nguyễn Phú Trọng, Kăn xiâm pơkuâ hnê ngăn Đảng troh veăng hôp ai ƀai tơbleăng hnê mơhno tơdroăng kal a hneăng hôp.

Kố cho hneăng hôp tơpui tơno lâp tơnêi têa ki apoăng xua khu xiâm kal kí, Khu kăn hnê ngăn Đảng hnê mơhno tơkŭm po vâ tơpui ‘na tơdroăng tơpui kâ dêi Đảng, tơpui tơno dêi tơnêi têa, tơpui kâ dêi kuăn pơlê ƀă tá tơdroăng cheăng kal kí. Hneăng hôp cho rôh vâ tâi tâng kơvâ cheăng tơpui kâ hvái ngăn mâu tơdroăng tối tơbleăng pêi ƀă tơpui ‘na mâu tơdroăng vâ pêi châ tơ-ƀrê tơdroăng tơpui kâ ki kal tung mâu hơnăm la ngiâ. 

Kố cho mâu rôh vâ rêm râ, kơvâ cheăng, mâu kong pơlê ƀă mâu kăn ƀô̆ pêi tơdroăng cheăng tơpui kâ hlê plĕng tŭm ƀă trâu tâ nếo ‘na tơdroăng, ki rơdêi dé tơnêi têa pin tung kơpong ƀă tung lâp plâi tơnêi; hnoăng cheăng, ki pơxúa ƀă ki kal dêi tơdroăng tơpui kâ tung tâi tâng troăng rơhlâ mơjiâng ƀă kring vế Tơnêi têa, pro xiâm ki vâ mơnhông tâ nếo, mơ-eăm tâ nếo ƀă ki rơdêi tâ nếo ăm tâi tâng khu cheăng kal kí, rêm râ, kơvâ cheăng, tơrêm khu tơrŭm ƀă mâu ngế tung tơdroăng cheăng tơpui kâ. 

Gương tơplôu ƀă tơbleăng