VOV4.Xơ Đăng - Kơxo lơ 10/11, hiăng po Leh pơxiâm Rôh hôp ki kŭn Khu kăn xiâm pơkuâ ngăn lêng mâu kong têa ASEAN (ADMM kŭn) tiô tơdroăng ki ‘no tơdrêng ing troăng hyôh internet ƀă tơdroăng ki veăng dêi kăn xiâm pơkuâ ngăn lêng mâu kong têa ASEAN. Thiê̆u tươ̆ngPehin Halbi, ngế xiâm pơkuâ ngăn lêng má péa Khu xiâm pơkuâ ngăn lêng Brunei pơkuâ po rôh hôp. A rôh hôp, klêi kơ’nâi hmâng mâu kăn teăng mâ Brunei tối ‘na tơdroăng tơrŭm cheăng sap ing Rôh hôp ADMM rôh má 15 ƀă Rôh hôp ADMM+ rôh má 8, mâu kăn xiâm tơpui tơno túa tơmiât ‘na troăng hơlâ pơkâ tung la ngiâ dêi ADMM drêng tơbâ 15 hơnăm ADMM.

Tơpui a Rôh po Hôp, Đăi tươ̆ng Phan Văn Giang, ngế xiâm pơkuâ ngăn lêng, kăn pơkuâ khu kăn Việt Nam tối nhên: Rak vế gak kring, tơniăn têa kơxĭ, tơniăn troăng tơƀai cho pơxúa dêi tâi tâng mâu kong têa tung lâp plâi tơnêi, xua mê ASEAN kal mơ-eăm mơjiâng tơdroăng pơkâ ‘na Biển Đông.

Katarina Nga tơplôu ƀă tơbleăng