VOV4.Sêdang - Rôh hôp má 4 dêi Vi ƀan pơkuâ Kuô̆k hô̆i hiăng pơxiâm po a kơxo kố lơ 11/10. Po tung pơla 4 hâi, rôh hôp kô ăm rơkong veăng tơpui tối tung hên mâu tơdroăng ki kal, tung mê ai tơdroăng pơkâ xúa tơnêi hneăng hơnăm 2021 – 2030, troăng ngăn troh hơnăm 2050 ƀă túa pơkâ xúa tơnêi 5 hơnăm, hơnăm 2021 – 2025. ‘Na hnoăng cheăng mơjiâng luât, Vi ƀan pơkuâ Kuô̆k hô̆i ăm rơkong veăng tơpui tối ‘na kơxop hlá Luât ki ‘mâi rơnêu, ‘mot tơ’nôm Phụ lục – Danh mục pơkâ riân ngăn dêi tơnêi têa dêi Luât riân ngăn;  mâu tơdroăng tơkêa pơkâ ‘na mâu troăng hơlâ xiâm mơnhông mơdêk mâu kong pơlê, pơlê kong kân Hải Phòng, Nghệ An, Thừa Thiên Huế.

‘Na mâu tơdroăng cheăng kâ rêh ối pơlê pơla ƀă liăn ngân tơnêi têa, Vi ƀan pơkuâ Kuô̆k hô̆i ăm rơkong veăng tơpui tối ‘na mâu hlá mơ-éa tối tơbleăng dêi Chin phuh ‘na rak ngăn ƀă xúa liăn ƀaoh hiêm khăm pơlât hơnăm 2020; 2 hơnăm, hơnăm 2019 – 2020 pêi pro tơdroăng pơkâ kơxô̆ 68/2013/QH13 ’na mơdêk rơdêi pêi pro troăng hơlâ, luât ‘na ƀaoh hiêm khăm pơlât, pêi pro troh ƀaoh hiêm khăm pơlât tung tâi tâng kuăn pơlê; klêi kơ’nâi pêi pro túa pơkâ mơnhông mơdêk cheăng kâ rêh ối pơlê pơla hơnăm 2022; liăn ngân tơnêi têa ƀă túa pơkâ xoăng liăn tơnêi têa hơnăm 2022.

Nga tơplôu ƀă tơbleăng