VOV4. Xơ Đăng - Kơxo lơ 21/12, a Hà Nội, Tíu ‘măn rak kế tơmeăm vâi kơdrâi Việt Nam pơxiâm po rôh mơđah tơbleăng thơ tơbleăng tơdroăng ton nah ƀă ngế ki ôh tá la lâi kâi ai inâi “Tiô hvêa chêng Đăi tươ̆ng”, pâ mơnê Đăi tươ̆ng Võ Nguyên Giáp. Ngế ki chêh 110 to ƀai thơ kố cho ngế cô, chêh hlá tơbeăng, ngế chêh thơ thơ Nguyễn Thị Mỹ Dung, ngế ki hiăng ai rôh trâm mâ ƀă chêh ‘na Đăi tươ̆ng lối 20 hơnăm hdrối.

Mơđah tơbleăng thơ tối ‘na tơdroăng roh nah “Tiô hvêa chêng Đăi tươ̆ng”

Ƀă hiâm mơno ki hâk vâ ƀă mơnê trâu rơdêi, ngế cô, ngế chêh thơ Nguyễn Thị Dung hiăng tăng troh rêm tíu Đăi tươ̆ng Võ Nguyên Giáp hiăng prôk tơkâ luâ môi tiah mâu kơpong Cao – Bắc – Lạng, tíu tơplâ Điện Biên ƀă hên ki ê vâ hlê tơ’nôm ‘na tơdroăng ton nah.

Lối 20 hơnăm mơ’no dêi ivá, tuăn ngoâ, ngế cô, ngế chêh thơ Nguyễn Thị Mỹ Dung hiăng chêh lối hrĭng to ƀai thơ pơchuât “Tiô hvêa chêng Đăi tươ̆ng” ƀă hiâm mơno đi đo ‘măn chôu, rơhêng vâ tơkŭm po môi rôh mơđah tơbleăng drêng tơbâ 110 hơnăm hâi kot mâ Đăi tươ̆ng Võ Nguyên Giáp.

Katarina Nga tơplôu ƀă tơbleăng